الى محافظ واسط الذي أهان نفسه والقوات الأمنية والشعب: “دفوت على الطريق العسكري” يا مسؤول لا يفهم القانون والأخلاق 

أخبار العراق:قال النائب عن محافظة واسط كاظم الصيادي انه اذا محافظ واسط مقتنع بكلامه ومبرراته فمن حق أي مواطن واسطي يشبعه جلاليق على سوء وضع المحافظة.

في ذات الوقت، انبرى مواطنون في انتقاد محافظ يتصرف بصبيانية، واسلوب قطاع الطرق.. أخبار العراق تنشر بعضا من هذه الانتقادات..

شنو هللواكة، الحكومة خلت للمسؤول طريق عسكري خاص حتى لايتأذى وينتظر بالسيطرات، انت محافظ يعني الطريق مفتوح كدامك، اعبر عليه ولي والناس غصبن عليها تنتظر ساعتين وثلاثة، واكو ابن مرة يحجي، انت منو وراك عدك ملثمين وسيارات بدون ارقام؟ عدك مقاولين مهربي مخدرات يدافعون عليك؟ كلها لا..

شنو اتريد اتصير ابوعليا تعتدي على ضابط عده مرسوم! واذا انت هم عدك مرسوم قابل مرسومك مثل مرسومه، يامواطن تحجي عليه يالمياحي، ثم يخوي انت من الحكمة هذا التيار الذي يتحمل ٩٩% من مشاكل الشعب والشعب يكرهه، من حجو على الفدرالية الى تنازلهم عن حقهم بالسلطة حتى البصرة عاصمة العراق الاقتصادية ومشروع البترو٥ دولار ومنح اهم وزاراته النفط والنقل الى مستقلين من اهل البصرة لرغبتهم وترشيح محافظ مستقل لليوم مشاكل البصرة كلها بسبب الحكمة!

شنو انت بطل العالم بالملاكمة تحاسب ضابط يمثل هيبة الدولة، واذا كلك عدي اوامر اطيح حظ الناس وانت مو مسؤولي! على اي اساس تسهر قيادة الشرطة والداخلية من وزيرها لأعلامها للصبح مانايمين،

شنو انت؛ حضرتك معتدي على وزير هاين احد موؤسسات الدولة حتى يعبروها الك، اعرف حجمك ومقدارك وانت وين تشتغل يوميه غاثلك شخصية مرة تهاجم اوكار مهربي المخدرات وتقطع مصالح قادة مهمين

وراها تحاسب موظفين مسنودين من جهات مهمة لها تاريخ حافل بالاسناد وتغير لجان فتح العطاءات المتوافق عليها سياسيا، يعني تحفظ لكل جهة حصتها بالغنيمة، وماتكعد ترجع على المنفذ الحدودي الي يحصل منه اعضاء المجلس تفاليس” ١٦٦ مليون دينار يوميا”! لا وتسحب ايد نائب المحافظ لان يدير منصبه من بيته، انت شجاي اتسوي بروحك وبالكوت واهلها، ثم اكلك اذا تكول اذا ايدي اليمنى تنمد على المال العام اكصها باليسرى! لا هواي حصلت الاحزاب منك؛ خويه اعرف الشغل الصحيح والتزم بيه، اولا اترك هذا التيار الي يبيع مثاليات براس الناس، شكلك مجموعة مقاولين ومهربي مخدرات وكم سمسار، كثر العزايم والدعوات الباذخه، شنو اتجيب صفر طاسك وياك من البيت!!! اشتريلك كم مصفحة بدون ارقام وسويلك مجموعة ملثمين دائما، كم جهاز لاسلكي وملابس خاصة، بعدها تفتح لها الدنيا ابوابها وترتاح من دوخة الراس، ولو تضرب اكبر ضابط الف جلاغ ماتسمع حسيس ولاهمس، ولاينتفض وزير داخلية ولاناطق باسم الوزارة، ولاناشط ولا واحد بعدها يتذكر هيبة الدولة” لاتتعجب النفاق سوا هيبة الدولة على حساب المواطن” افتهمتها لو بعدك اتبيع مثاليات وشغلك مثل حجيك، الحجي بالخدمة والمواطن بس للتلفزيونات واللقاءات العامة بس الشغل غيره، اخوي ابو نور افهمها واذا ماتريد تفهمها ابشر بالضيم ويطبك حريشي…

560 عدد القراءات
0 0 vote
Article Rating
Posted in رئيسي, سياسة.
Subscribe
نبّهني عن
guest
0 تعليقات
Inline Feedbacks
View all comments