حين ينقلب المنطق وتسود لغة الفوضى يتحول المجرم الى نزيه والقاتل الى محرر

اخبار العراق: كتب قاسم جلال

بالعراق اكو أشياء غريبة حدثت وجاي تحدث وما ادري هو الوضع طبيعي هيج  لو اكو واحد لاعب بالاعدادات
لو اني دايخ

* واحد يدعوا لاستفتاء انفصال عن الدوله يصير رئيس الجمهورية

* واحد يكول اني ما اتشرف اكون جزء من العراق يصير سفير للعراق

* صدام حسين المجرم يصير شهيد وزمن البعث جان زمن الخير

* نادية مراد الازيدية يحررها الحشد من داعش تشكر أمريكا وإسرائيل

* السعودية فجرت أكثر من ٧٠٠٠ انتحاري في العراق ودعمت داعش والقاعدة والناس تسب بايران

* أمريكا صاحبة أكبر سفاره في العالم في بغداد وتدعم كثير من الصفحات والأشخاص في سبيل ارباك الوضع العام وإحداث البلبلة في البلد والناس تحرك القنصلية الايرانيه

* سهير القيسي جانت تسمي الحشد مليشيات وداعش ثوار العشائر من صار الانتصار على داعش هي صارت عريف الحفل

* المحافظات الجنوبية تطلع مظاهرات والناس تنكتل
والتعينات تروح لكرايب الحلبوسي

* عضو برلمان داوم شهرين بمجلس النواب وجاي ياخذ تقاعد بالملايين نزل بساحة التحرير والناس تهوسلة ومقاتل بالحشد هم

نزل بساحة التحرير بس شبع كتل واغمي عليه

* فاسد يعترف باخذ رشوة مقدارها مليون دولار يؤسس جبهة للإصلاح والتنمية

* الناس ترفع شعار المجرب لا يجرب وتنتخب واحد فاسد ومجرب لثلاث دورات وبنجاح ساحق

* وزيره بالحكومة اللي الناس طالعه عليهه مظاهرات تدعو
المتظاهرين إلى الإضراب العام

* لطيف الصالحي شبيه عدي والذي كان بمثابة كبش الفداء له والذي هرب من عدي في التسعينات تصعد عنده الحماوة
الوطنية ويريد يحرر العراق لان اكو جم غبي خله لايك على
الفيديو مالته

* رغد بنت المقبور صدام واللي ابوهه قتل خاله وزوجهه واخو زوجهه تصير ناشطة مدنية

مادري هو الوضع هيج لو اني دايخ

اخبار العراق

402 عدد القراءات
0 0 vote
Article Rating
Posted in رئيسي.
Subscribe
نبّهني عن
guest
0 تعليقات
Inline Feedbacks
View all comments