عندي سؤال الى صاحب الصورة

اخبار العراق: احمد عناد: عندي سوال الك شخص
على شنو علامة النصر
وعلى شنو انتصرت
طلعت تظاهرات فد يوم حتى لو مع الصدريين
فديوم عندك صورة مع المتظاهرين في ساحة الصدر او تحت الجسر مكان ثورة العشرين سابقا
فد يوم تظاهرت بساحة التحرير
اركعت توثية براسك
جرك من زيكك جندي وشك التيشرت مالك
بهذلك واحد مدني وياه محموعة من العسكر متعرفة شنو
شلت العلم العراقي وكفت حالك حال البقية
صرخت صرخة كبرى بوجه فاسد
عوفهن كلهن عندك منشور او تغريدة تثقيفية
مشتم ريحة الغاز مغسل وجه ببسي
شايف الرصاص الحين فوك راسك
شايف الرصاص الحي جوه رجليك
صار اعتصام وونمت بخيمة ويه المعتصمين
مشيت حالك حال المشاية
اريد افتهم انتصارك على شنو
الا بحاله وحدة انتصرت على الشباب الي يحملون نفس شهادتك وتعينت بالخارجية وزميلك يشتغل توصيل دلفري لو صانع بس هذا غيرهن ماكو
رجاء المعلقين والمارين بدون تجاوز والمحبين ايظا بدون دفاع واذا حجيت غير الحق كلولي انته باطل

اخبار العراق

26 عدد القراءات

اترك تعليق

avatar
  Subscribe  
نبّهني عن