لماذا اختفى فائق دعبول من ساحات التظاهر وتم استبداله بالركابي؟

اخبار العراق: رصد المحرر في صفحة محمد جواد:

هو مو چان فايق دعبول مرشح ساحات التظاهر؟ اشو اختفى هذا المطلب فجأة؟ حتى اللي چانوا يردونه غلسوا، اشو هسة طرحوا اسم جديد وهو علاء الركابي؟ زين ليش ما اختاريتوا الركابي مثلا من البداية؟ باعتباره ما مستلم اي منصب سابقا.. ليش چلبتوا بفايق وبسببه هواي ناس صارت ضدكم؟

طبيعي جدا المقابل راح يگول يشتغلون حسب التوجيهات واكو من يحركهم وراح يرفضون الركابي بسبب هذا تخبطكم، اما البقية وية الموج منين ما يميل يروح وياه.. (مادام تحركاتك تُثير الشك) “ومن وضع نفسه بمواضع التهمة فلا يلومن من اساء به الظن”! واكرر وفق ما اراه واعرفه، صوت العقلاء والسلميين واصحاب المطالب الحقة هم اسرى لاصوات المرتزقة واصحاب المصالح الشخصية والسياسية والاجندات الخارجية، فهؤلاء يمتلون ماكنات اعلامية ضخمة تضخ وتلعب بعقول الناس وتمرر ما يخدمها، والمقابل ليس لديه الا صوته، لا ماكنة اعلامية ولا صفحة مليونية ولا اعلامي مرتزق ولا مدون ولا ناشوط!.

لذلك المرتزقة من يقرروا وما على البقية الا القبول او السكوت.

268 عدد القراءات
0 0 vote
Article Rating
Posted in رئيسي, سياسة.
Subscribe
نبّهني عن
guest
0 تعليقات
Inline Feedbacks
View all comments