مواطن يخاطب عبد المهدي: هكذا يتمنى لك الشعب العراقي

كتب سعد الخفاجي باللهجة الدارجة: بصراحة ما عندي النيه اغلط عليك …
بس ان شاء الله يارب تتمرض ويأخذوك لمستشفى شيخ زايد ويدخلوك على الدكتور الخفر شاب زغير لابس كلادة وسوار ومكنك حتى ما يباوع على خلقتك … ويطلع جهاز الضغط من الديلاب لان يخاف ينباك ويقيس ضغطك يطلع صاعد فول المهم …
يكتب مغذي من برة ينومونك على سدية كلهة دم وريحة ويروح اخوك يجيب المغذي من برة ويجي ينطي للمضمد يطلع ناسي الكانولة يرجع للصيدلية يلكيهة معزلة يقترح المضمد يشد كانولة مستخدمة من سلة النفايات مال واحد بي ايدز يبقى يملخ بايدك وما يطلع وريد هالحجي قطن ماكو يمسح الدم بالبردة وديتول مال ارضيات اخر …
شي ما يدبرهة يدزون على ازهار المضمدة ورة ساعة تجي ازهار تريد اتشد الكانولة يخابروهة على مريض تروح ورة ساعة تجي وتحجي شلون نبطل ما نخابر هاي الحجي الهتفون باذنهة المهم هالاثناء تضربك جلطة ويحولوك لابن النفيس يروحون لابو الاسعاف يكول ما عندي بانزين اجرو سيارة ياخذوك بسايبة وسايقهة سكران ومتيه بغداد …

المهم يوصلك الفجر المستشفى كلهة نايمة تطلع دكتورة لابسة حصر وتعلج وتكللك وين الرنين والايكو والمفراس سويهن الا اكدر اشوف حالتك تروح للرنين يكلولك سراك بعد شهر يرجعوك للبيت تنشل ومحد يداريك ويلكوك ميت بفراشك الساعة وحدة الظهر ….
ياخذوك يطلعولك شهادة وفاة الا ب ٤٠الف المهم بين ما يكملون الاجراءات ينتهي الدوام تبات بالثلاجة مال الاموات وتطفا الكهرباء ويجون اهلك الصبح يلكونك معفن ياخذونك ويرحون للنجف يجي علي العمية ما يقبل يدفنك الا ياخذ صورة ويه خلقتك وينشرهة ويحصل مليون لايك …
وبعدها يحفرون قبرك ويطلع صخر ولليل الا يكملون … قبل الاربعين تطلع البلدية ويكصون قبرك لان دافنيك بشارع من شوارع المقبرة واضيع معالم القبر ورة خمسين سنة ايصير مكان قبرك فندق والمجاري فوكاك وبعد مئات السنين تتحلل وتصير نفط يستخرجونك ويصدروك للصين … وتصير تاير مال سايبة موديل ٤٠١٨ ويصدروك للعراق يشتري التاير سايق ورة ٣ ايام يطك ويذبوكك بالزبالة تجي الجهال تحركة بليلة من ليالي عاشور وتصير رماد اسود تذروه الرياح وصير من رئيس وزراء الى تاير

593 عدد القراءات
0 0 vote
Article Rating
Posted in رئيسي, سياسة.
Subscribe
نبّهني عن
guest
0 تعليقات
Inline Feedbacks
View all comments