نماذج لا يحق لها التظاهر ضد الفساد؟

اخبار العراق: 1- ابو المولدة الي ناهب مال الله وعبادة وما يلتزم بالتسعيرة لو يجي الحمزة ومن تطفة الوطنية ربع ساعة يالة يشغل ودكاتة ناقصة.

2- طبيب وجهة يلطم بالمستشفى الحكومي ويستقبلك بالاحضان بالعيادة الشخصية ومتفق ويا ابو الصيدلية وابو المختبر على نسبة.

3. مدرس كلشي ميفهم بالمدرسة ويذب لحم بالخصوصي.

4- موظف مرتشي ويدور هدايا.

5. مقاول وخلفة وعامل يشربت بالشغل وخصوصاً اذا شغل للدولة او حتى شغل بيت وابو البيت ميعرف.

6- فيتر يقفص على ابو السيارة ويقشمرة ويطلع روحة.

7- خلفة بناء او سيراميك او بياض يخليك تنتظرة الصبح ويغلق تلفونة وهو لازم شغل بيت ثاني والاعذار جاهزة.

8- ابو مطعم او فرن الجريذية يلعبن بنعمة الله وما يحافظ على النظافة.

9- معتمد دائرة الي ما يوصل البريد الا يقطك.

10- سايق سيارة يمشي رون سايد ومستهتر بالشارع وأرواح الناس.

11- عامل بلدية ما ينظف ما طول المراقب بعيد عنة.

12- السايق الي يطبك سايد ثاني ويضايق الشارع.

13- البقال وابو المحل الي محتل الرصيف.

14- ابو الملابس الي يحلف ويتكفر هذا القميص تركي وهو متأكد منة صيني.

15- ابو الكيا الي كروتة بربع ومن تصير ازمة ياخذ الف.

16- ابو البيت الي محتل الرصيف وباني بي تواليت للخطار.

17- مصلح الغسالات او الشاشات او السبالت او الثلاجات الي يشربت بالشغل وما يشد حاجة اصلية ويقطك لو تطير.

18- الشرطي أو الجندي الي ما يفتش عدل ومسنهزىء بارواح الناس.

19- الطالب الي يغش بالامتحان.

20- سايق التكتك الي يحس روحة ورة التظاهرات صار جيفارا العراق وكام يخوط بالشارع بكيفة.

وكالات

414 عدد القراءات
0 0 vote
Article Rating
Posted in رئيسي, مجتمع.
Subscribe
نبّهني عن
guest
0 تعليقات
Inline Feedbacks
View all comments