رئيس وزراء المدينة الفاضلة

اخبار العراق:

محمد البدر

الفارابي (875-950 م) أشهر فيلسوف مسلم نَظّر حول الحكم والسياسة وألف كتاب اسمه (شآراء أهل المدينة الفاضلة) وگال حاكم هاي المدينة لازم تتوفر بي عدة شروط مثل حِسن المَظهر وكمال الجسم والأعضاء والذكاء والعدل وترك أنواع الشهوات وحب العلم والعلماء ويكون فاهم كلشي ويعرف كلشي، المهم الفارابي وضع 12 شرط لازم يتوفرن بهذا الشخص.

طبعاً توفر كل هاي الشروط بشخص شي شبه تعجيزي وشبه مستحيل وما ممكن يتوفرن إلا بنبي أو إمام.

اهنا اشگال الفارابي، گال نعم هاي الشروط نادراً تتوفر بشخص فإذا توفرت خير على خير وإذا ما توفرت نقبل بشخص يتوفرن بي نصهم أو أكبر عدد منهن.

الفارابي چان يريد حل وكل فلسفته تتمحور حول توفير السعادة للمجتمع.

اليوم بالعراق أزمة وتجاذبات حول موضوع إختيار رئيس الوزراء مانريد شروط وصفات تعجيزية وغير واقعية وكلمن يخلي شروط حسب مزاجه، نريده هيچ وذاك يگول نريده هيچ أغلب الناس نواياهه طيبة وتريد حل بس هذا ما يمنع ولا يعني عدم وجود ناس تريد الأزمة تطول وتعمل على عدم الوصول إلى حل وتوافق وإنما تريدهه أزمة مفتوحة يعني لا يرحم ولا يخلي رحمة الله تنزل.

لا هو عندة رؤية واقعية ولا مشروع منافس ولا حل بديل ولا يقبل بأي شي!!.
احنه بمرحلة ما تتحمل تجاذبات وعناد ولازم نتفق على وسطية واقعية بالطرح.

لا نقبل بتسويف من الكتل السياسية ولا نقبل باعتراضات من قبل المؤدلجين الملتحفين بإسم الساحات.
قانون الإنتخابات أهم من موضوع رئيس الوزراء، هذا الاعتراض والعدمية راح ياخذنه للمجهول.
الحماس الزايد ونشوة الشعارات وعالم الفيسبوك شي والواقع شي آخر تماماً.

قانون الإنتخابات أهم وأهم ومن خلال قانون الإنتخابات وصندوق الإنتخابات تگدر تنتج قادة الوطن وتقدم شخصيات تستحق الحكم والمراقبة.

الشعارات ما تصنعلك حل.

وكالات

 

309 عدد القراءات
0 0 votes
Article Rating
Posted in مقال.
Subscribe
نبّهني عن
guest
0 تعليقات
Inline Feedbacks
View all comments