لماذا العراق اقل الدول في اعداد المصابين بكورونا؟

اخبار العراق: رصد المحرر في صفحة حسن حمدان..

ليش العراق بي اقل اصابات بكورونا مقارنة ابقية الدول الي بده المرض عدها بعد العراق مثل السعودية وتركيا وغيرها .. بصراحة شگد الرقم عدكم ضيفوله من يمكم صفر.

و راح اگلكم ليش، لان العراق مو مثل بقية الدول من نواحي التالية:

١.العراقي يگدر يروح يشتري اي دوة من الصيدلية بدون وصفة طبية عده حبوب الكبسلة، لهذا السبب من تصير عنده گحه للمريض راح يجرب كذا علاج اولها (ابرة خبط) يدمر بيها المناعة مالته ويستمر كل شوية طاب على مضمد لو صيدلي (خريج سادس) يگله اشو چلبت وياي الگحة شاخذلها والصيدلي يبيع بكيفه.

٢. اكو ناس ابداية الازمة راحوا يردون يفحصون بالمستشفيات وبعض الكوادر المثقفة!! الي لازمة الاستعلامات طردوهم وما دلوهم وين يرحون لان يخافون لا ينعدون.

٣. الفديوات الي طلعت اول ايام وتبين ان الحجر غير جيد ولا توجد رعاية للناس خلت العالم تخاف وتگول بيتي امن الي من المستشفى لذا يحجر نفسه بالبيت او بالغرفة.

٤.بعد ان انتشر المرض اكو عالم راحت تفحصبعد ان اخذوا منهم العينه ما حجروهم وانما گالولهم روحوا للبيت واحنه نخابركم على النتيجة، تخيلوا وياي هذولة شگد ممكن ان يكونون نقلوا العدوى لناس اخرين وهمه راجعين من المستشفى وصاعدين بالكيا راجعين لاهلهم.

٥. واخير شي هو عدم الثقة بالطبيب العراقي ولا المستشفيات العراقية الخاصة والعامة وهذا الشي اله هواية اسباب منها فساد بعض الاطباء وقلة خبرتهم و فساد دوائر الصحة فضلا عن الدعايات الي يبثوها الجهلة من العرافين والمشعوذين وغيرهم ضد المؤسسة الطبية حتى ياكلةن اموال الناس وغيرها.

٦. بعض الناس الي الهم خصوصية اجتماعية او مركز مهم كا يقبل ان يخضع للحجر مثل بعض شيوخ العشائر.

٧.الخوف من الوصمة الاجتماعية يعني يخافون من نظرة الناس الهم خصوصا المناطق الريفية والاقضية والنواحي، للان الناس راح تعتزلهم وهذا الشي يمثل عار تخيل انك شيخ عشيرة والعالم ما تصافحك ولا تقترب منك، هاي وامثالها تخلي الناس تغلس ما تحچي الى ان يوصل صاحبهم للموت عود يحچون، واطش السالفة.

٨.الخوف من الگوامة العشائرية اذا اكو شخص اجته عدوى من خلال فلان فممكن ان توصل الحالة بين العائلتين الى ما لا يحمد عقباه وجيب الفصل و ودي الفصل والخ.

طبعا اي انسان مثقف و واعي يعرف انه المستشفى هي امن اله والعائلته وانه هو لازم يفحص اذا شاك بنفسه ولازم يقدم كل المعلومات الحقيقية للاطباء حتى يگدرون يحفظون العالم الاخرين، بالمستشفى اكو اوكسجين متوفر بالبيت ماكو، بالمستشفى اكو اغلب الاجهزة الي مستحيل تكون عنده بالبيت. لذا  المستشفى امان وصحة.

399 عدد القراءات
0 0 votes
Article Rating
Posted in رئيسي, مجتمع.
Subscribe
نبّهني عن
guest
0 تعليقات
Inline Feedbacks
View all comments