ماهي بلازما الدم؟ وماهي فائدتها لمريض ڤيروس كورونا

اخبار العراق: كتب علاء الامين:

الكثير يسأل عليها وهوايه مايعرفون تفاصيل عنها، أسولفها ألكم باللغة العامية علمود الكل يستفاد من المعلومة.

البلازما هي احد مكونات الدم و تكون عبارة عن سائل قريب عاللون الاصفر مكون من 90% ماء و الباقي بروتينات.

ليش البلازما مهمة لمرضى كورونا ؟
– الجسم من يتشافى من كورونا يشكّل اجسام مضادة بوجه الفايروس و هاي الاجسام راح تبقى بالبلازما يعني جسم المتشافي راح يكون محتوي على عدد كبير من الاجسام المضادة فمشاركة هاي البلازما لجسم مريض اخر راح تنشر بجسم المريض هاي الاجسام المضادة و تعالجه و تقضي ع الفايروس.

شلون يتم التبرع و شنو الطريقة ؟
– نفس طريقة الدم العادية بالضبط بس شوية تطول اكثر يعني تقريبا ساعة و بعدها ياخذون الدم المسحوب و يحطونه بجهاز طرد مركزي (دوران بشكل سريع) و من يطلع يضغط الكيس فتصعد البلازما و ترتفع عن الدم مثل الترشيح .
الها اضرار جانبية ؟

-نهائياً ماكو او تكاد تكون معدومة مجرد دوخة عادية ممكن تروح بشرب الماي و العصير الطبيعي.

شوكت يگدر يتبرع المتشافي بالبلازما ؟
– بعد اسبوعين او ثلاثة من الشفاء.

كل تبرع بالبلازما شگد ينقذ اشخاص ؟
– كمعدل فكل شخص البلازما مالته تنقذ 3 او 4اشخاص من المصابين.
وحسب هيئة الدواء الامريكي فان شروط إجازة استخدام العلاج ببلازما المتعافين على مصابي فيروس كورونا، هى أن تكون الحالة مشخصة بالإصابة بعدوى فيروس كورونا خطيرة أو مهددة بالبقاء على قيد الحياة، وهذا يعنى أن الشخص المصاب بحالة خطيرة يعانى من:

ضيق التنفس.
قياس تردد الجهاز التنفسي.
نسبة تشبع الأكسجين في الدم 93%.
فقدان وظيفة الرئة بنسبة 50% خلال 24 إلى 48 ساعة.
الشفاء لجميع المصابين والعافية للجميع.

1٬548 عدد القراءات
0 0 votes
Article Rating
Posted in رئيسي, مجتمع.
Subscribe
نبّهني عن
guest
0 تعليقات
Inline Feedbacks
View all comments